جرح امبارح المقفولرجع تانى ينز دموع
الم امبارح المكتوم
رفض يسكن كده فى خضوع
انا و انت وما بينا عيون تبصلنا
وكان ياما كان ليالى زمان مفيش غيرنا
كان بينا وصال ممدود
صار ليك الطريق مسدود
انا و انت بقينا أغرا ب
يا أعز و أقرب الاحباب
انا و انت و بينا كتير
ليالى افراح...ليالى اشواق
ليالى فراق...دموع و انين
فات مش يـوم و لا أتنـين
فاتــو سنيــــــن
ولسه ليك فى قلبـى حنيـن
ملعون أبو الجبـن اللى ضيعنا
ملعون أبو الضعف اللى جمعنا
ملعونه يا جزمةالحراس
و ملعون ياقلبى بالاحساس
6 comments:
وليه نلعن ابو الدنيا وابو الجبنا
ما دمنا احنا اللي كنا زمان قوي ضعفا
وعايزين ايه من الدنيا تبوس على ايدينا
تحايلنا
تقولنا استنوا خدوا احلى ما عندي هنا
هأأأو يا قطه
مفيش حاجه هتندهلك تقولك اقربي عندي علينا نشد بأيدينا وبسنانا
وناخد اللي في عينينا بيعجبنا
ولو يوم جزمة الحراس تفرقنا
نقطعها ونتفادى ونتحنجل ونتنطط علشان نرجع ونتلاقى
برغم الضعف اللي جمعنا
برغم غباوة الجزمه
----------
بنت يا هبهوب شعرك دايما مصيبه كده
بجد حلو قوي وخصوصا اخر بيتين
ملعون أبو الجبـن اللى ضيعنا
ملعون أبو الضعف اللى جمعنا
ملعونه يا جزمةالحراس
و ملعون ياقلبى بالاحساس
سلااااااااااااام
هوبة ... في البدء حمد لله على سلامتـك ، ليس لدي الكثيير لأقوله ، ولكن اهتمي بكتابتك أكثر ، يوجد لديك الكثير من الإحساس ، وعدد من المقاطع الموزونة المضبوطة ، لكن تحتاج لعنـاية أكثر
.
.
.
خااااالـص تحياااااتي
و أنا رجعت أهه
الاحساس فى كلماتك رائع يا هبة
الشنكوتى الكبير
حلو الكلام :)
شكرا على التعليق و على رئيك
ابراهيم...معايا
شكرا يا ابراهيم و الله يسلمك بس المشكله انى بحاول مكنش بكتب علشان كده بتطلع الحاجه مش كامله فى الهيئه
انا بس بحاول اخرج حاله بتكون شغلانى علشان استريح لكن بسعد جدا بأن فى حد بيحسها معايا سامحنى على عدم العنايه بالمظهر
نبيذ
اشكرك جدا
هبة ...
إيه ده مش ممكن ؟؟
دي مش مجرد كلام ، بجد يعني ده كلام فوق الرائع ، انا في الأول ما صدقتش إنه يكون كلامك
عملت سيرش على الكلام ده على جوجل طلع لي عندك بس
بجد كلام رائع ، انا مش ببالغ على فكرة ، بس انتي طلعتي موهوبة جدا فوق الوصف يعني
اخويا الاسكندرانى محمود ماجد
انا مبسوطه برجوعك لزيارة مدونتى
و مش عارفه اقولك ايه على الكلام الحلو ده غير شكرا
متغيبش كتير كده تانى
تحياتى
Post a Comment