سكه ضلمه ماشى فيها لوحدك مفيهاش و لا بصيص نور و لو ضعيف و تيار خوف بارد بيقشعر جسمك

من وراك بعيد سمعت صوت نفّس بيرتعش .. حواسك كلها انتبهت..حركة الهوا الخفيف اصبحت سامعلها صوت ..حسيت بالتفتاته.. بحركته البطيئه ..بيقرب ببطء و فجأه بيقف ونفسه بيزيد و يعلا ..لازم هو كمان حس..بيك.. بدقات قلبك السريعه ...قرب بحذر . حسيت بيه بيحاول يمد ايده ناحيتك .. بتتمنى يلاقيك..خوفه طمن خوفك منه ..بتحس بلمسته قبل ما يلمسك ..بتحس بطاقة دفا كأنها هاله محاوطه جسمه . بتهيئلك انك شايفه..و فى اللحظه اللى كفه فيها بيضم كفك بيشقشق من بين ايديكم نور مبهر ..بعنيك بتشوف ناس تانين تايهين.. ماشين عميان .. خايفين

إنتظـــــار

في لحظه دايما قبل انكشاف الحقايق بينعدم فيها الاحساس بـكـل شـــئ ... الزمن , المكان و حتى المعضله

سعات بيتهيئلى انى حبيسة اللحظه دى ..انى عايشه الإنتظار

كتر النظر للفراغ ممكن يخليك تشوف حجات ...اشكال.. اطياف..

لو طولت شويه جايز تشوفهم بيتحركو جايز تظن انهم كائنات حيه جايز من تقل احساسك باللاشئ تجرب تتفاعل معاهم

جايز عشان الاحتياج ذاد علي درجة احتمالك تلتمس منهم المفقود

فجأه تلاقيك بتاخد و تدى و (كـأنـك )عايش حقيقى

لكن فى قرارة نفسى حاجه بتقولى ان كل ده كده و كده و ان بانتهاء اللحظه دى حتنكشف الحقيقه

على باب الحلم

لم اعرف اين اذهب بهذا الاحساس المرهِق بالوحده فجئت به الى هنا

ربما لو كتبت عنه... ربما يتضائل

ربما لو وصفت هذا الفراغ المخيف الذى تعوى به الرياح بداخلى

هذا الانتظارالطويل الذى اكاد اظن انه لن ينتهى ابدا يغذيه احساس قاتل ببطء مرور الزمن

ربما لو تكلمت عن خيالك الذى يتراءى لى من بعيد كسراب العطاشى يمنينى ثم يذهب بامنياتى بعيدا

يتركنى و انا اعلم انك حقيقه واجب عليه انتظارها

ربما تأتى الان ربما تفتح هذا الباب المغلق لتدخل من ورائك الدنيا بمباهجها

ليس الان ..لا ! ربما بعد قليل ....بعد ان اغمض عينى قليلا نعم لابد للوقت ان يمر هكذا اخف

اغمض عينى و انتظر النوم احايله ارجوه فيأتينى على مضض يأتينى برؤا اعجب بخيال اخر لطفله مازالت فى المهد

اضمها لصدرى ، اشعر ببردوة جسدها و دقات قلبها الخائفه يسرى خوفها في، اضمها اكثر لأطمئن نفسى لتهدء دقات قلبى

اشعر بجوعها و لا املك شيئا لاعطيه غير هدهدتى لها ، اغفو و انا اهدهدها.......... و عندما افتح عينى اراها قد فارقت الحياه

اصحو مذعوره استعيذ بالله اقضى باقى الليل احملق فى الظلام لا اقوى على اغلاق عينى خشية ان تأتينى فى حلم اخر

اتمنى لو كنت هنا الان ربما كنت استطعت اخذ خوفى بعيدا، ابحث فى جوانب الحجره المظلمه فلا اراك

احمل هذا الاحساس المرهق بالوحده و اتى به الى هنا