في لحظه دايما قبل انكشاف الحقايق بينعدم فيها الاحساس بـكـل شـــئ ... الزمن , المكان و حتى المعضله
سعات بيتهيئلى انى حبيسة اللحظه دى ..انى عايشه الإنتظار
كتر النظر للفراغ ممكن يخليك تشوف حجات ...اشكال.. اطياف..
لو طولت شويه جايز تشوفهم بيتحركو جايز تظن انهم كائنات حيه جايز من تقل احساسك باللاشئ تجرب تتفاعل معاهم
جايز عشان الاحتياج ذاد علي درجة احتمالك تلتمس منهم المفقود
فجأه تلاقيك بتاخد و تدى و (كـأنـك )عايش حقيقى
لكن فى قرارة نفسى حاجه بتقولى ان كل ده كده و كده و ان بانتهاء اللحظه دى حتنكشف الحقيقه
7 comments:
مش عارف اقولك ايه
كتير بنرتبط بخيال جميل قوي لدرجة اننا نتعامل معاه كأنه واقع
نرتبط بحد بعيد قوي وكأنه خلاص جنبنا ومننا
نرتبط بفكره حتى ونمشي وراها مهما كانت سخيفه او بسيطه او حتى مستحيل
جميل قوي البوست
سلاااااااااااااااااااااام
الله يسلمك يا شنكوتى يا كبير
شكرا علشان تفاعلت مع الكلمات و علقت
تحياتى
الانتظار داء
علاجه بين يدي الإنسان ذاته
فقط عليك التشبث
بالانطلاق والأمل
وبعض الأحلام الحقيقية
دوما الباب ينتظر
الخارجين
تحياتي
اه يا عز ياما نفسى اخرج من الباب
مرحبتين بيك صديق عزيز يا عز
اولا اسكندرية بتاعتنا كلنا
وانا عشقتها من اول زيارة
فى 77ووقعت فىحبها
لدرجة عملت استوديو تصوير واسميتة الاسكندرانى من حبى لها
مع تحياتى
كلام على بلاطه
اولا شرفت اسكندريه و لو انها متأخره بتاع تلاتين سنه
ثانيا بئا انا اقصد باسكندريه بتاعتنا اسكندريه اللى اعرفها كواحده من سكانها يوم ما فتحت البلوج كان نفسى احكى عنها و بس .بس مظنش انى قدرت ..لغاية دلوقتى
شرفت المدونه بتعليقك
هبة اختفيتي فجأة ليه وبطلتي تدوين ؟؟!!
طمنينا عليكي
Post a Comment